奇妙電視《吾男吾女》
Coffee、吳日言、樓南光組合新鮮 無懼敏感話題
開鏡禮邀利嘉兒 分享個人經歷
奇妙電視將於今年5月開台,其重點節目《吾男吾女》將會以兩性討論為題,由主持林芊妤(Coffee)、吳日言(Yan)及樓南光以男女的觀點和角度,拆解兩性之間的種種疑難。節目首集錄影找來利嘉兒(Lily)擔任嘉賓,討論偷食話題。

Coffee自爆與男友嗌交 吳日言瞞老公主持節目
自言「男仔頭」的Coffee預言將大談男女關係,不介意分享個人經歷,更被另外兩位拍檔大爆經驗豐富,對此她表示:「疑似男友就多,但其實真嘅並唔多。」她自爆幾天前與男友嗌交,哭至雙眼紅腫,「佢知道我搵前度傾偈,所以好嬲,好彩依家佢原諒咗我,我將佢由100分加到101分。」新婚的Yan首次主持兩性節目,竟無向老公事先申報,「老公淨係知我拍奇妙電視節目,我自己都無諗過可以主持呢類節目,結咗婚講呢類話題大膽咗,可以喺節目中講多啲。」她認為今次主持組合新鮮,「有未婚、人妻同有過去嘅人,一定帶來新火花!」

利嘉兒不怕七年之癢 樓南光講有味笑話
Lily與老公結婚六年,但並不怕七年之癢,「兩個人相處得開心,偷食嘅機會就好少。」面對陰盛陽衰的局面,男士代表樓南光亦無有怕,在現場大講有味笑話,「Lily私底下教女士要令老公軟淋淋,唔好成日咁硬,即係幫佢按摩膊頭等佢唔好硬哂態,放工後舒舒服服。」四位在現場不忌諱展示成人玩具,樓南光更扮作三位女士的另一半,考幾位如何氹自己開心,三位女士出盡法寶,場面搞笑!