奇妙電視《同sing同戲》
與商天娥合作音樂劇 張崇基笑稱:好驚畀娥姐鬧呀!
商天娥好戲就係人都知,她的氣場亦相當不弱,日前娥姐和張崇基、張崇德、徐偉賢亮相奇妙電視「同sing同戲」節目,宣傳稍後舉行的音樂劇時,崇基向主持鍾煒喬大膽透露彩排時被娥姐的氣場震攝,崇基笑道「好驚畀娥姐鬧呀!」娥姐聞言立時叉腰提出抗議!

徐偉賢笑著附和崇基說:「娥姐唔使講野架,佢只要企響度,個氣場已經出晒來!」娥姐推說是因為三子是唱家班出身,所以對著她演戲多少有點壓力,她說:「我對住你地唱歌夠有壓力囉!我地好認真彩排,不過都帶點歡樂既!」最歡樂的莫過於音樂劇中,崇基和崇德的身份。

崇德笑道:「因為我同阿哥同時上台唱歌,好容易畀大家聯想到演唱會,所以劇中我地不但造型上有好多分岐,角色亦然!」劇中崇德和崇基是師徒關係,崇基還要稱呼崇德做父親,崇基坦言:「感覺好奇怪囉!不過真係入左戲,我唔會記得佢係我細佬!」

崇德並踢爆阿哥說:「阿哥好鍾意騷肌,有次佢邊照鏡邊扮大隻騷肌,點知現場無人理佢,望都無望一眼,我忍唔住同阿哥講:你收返埋啦!」令大家忍唆不禁。