奇妙電視《冇大冇細》 
陳國邦親導愛女演出 愛女自評85分
黃金寶推介最佳親子活動 張祟基跨越水上樂園八大關
奇妙電視全新親子節目《冇大冇細》,邀請多位已為人父或將為人夫的男嘉賓藝人,包括陳國邦、張崇基、Dear Jane主音黃天翱(Tim)、黃金寶及楊岳橋與一班真「玩家」— 5至10歲活潑好動的小朋友,走勻全港,玩盡阿媽最唔敢玩的活動,玩盡小朋友最恨玩的遊戲,發揮阿爸最大功能,喚醒陪玩真意義!第二集有陳國邦和陳禛首次同台演出舞台劇,只得五日時間預備,阿邦有什麼秘技特訓愛女?演出又是否成功?車神黃金寶重披戰衣,挑戰他的不是世界級高手,卻是幾位貪玩貪食小朋友,果然是另類挑戰;張崇基率領小朋友挑戰巨型水上樂園,由嚇到喊到最後爭著再玩!

陳國邦導演爸爸 提醒自己不要緊張
科班出身的陳國邦,今次親導愛女陳禛主演的「小紅帽」,還邀請了盧頌恩飾演獵人,鄺芷凡飾演婆婆。陳國邦今次在此劇身兼導演、說書人及爸爸三個身份,在演出前不忘提醒自己:「我唔好緊張,唔好有壓力,他們(女兒陳禛及演員)至唔會驚;所以今朝我同阿囡講:禛禛我地一齊去玩!」陳禛人仔細細甚精靈,甚至演出時糾正爸爸報錯幕。演出完畢後,陳國邦要陳禛自評演出幾多分?陳禛畀自己85分,還說鍾意爸爸做導演,但當她講到陳國邦做導演時有少少惡,隨即面泛不悅之色,陳國邦連忙說:「作為爸爸,我會道歉。」陳禛立刻喜上尾梢回應:「都估到你啦!」

車神黃金寶帶領三位6歲至9歲的小朋友去學踩單車,為他們揀選合適高度的單車,為他們戴頭盔、護罩、護膝…,全副保護套裝,小朋友唔識踩,阿寶就耐心扶著小朋友的單車前行,直到他們可以自行踩動單車前進。阿寶的愛心加耐心,最終換得8歲的桐桐指他似足張學友,阿寶指培養小朋友踩單車及踼毽,是最佳的親子活動。

張祟基又氹又教
張崇基這位最叻的成人水上玩家,率領兩個小朋友挑戰成為史上最成功及最細的水上活動玩家!由於水上樂園設備難度高,嚇到兩個小朋友不時提出唔肯玩,又或攬住阿基雙腿求援。期間張祟基有感而發:「今次同人地個細路玩,要小心點,千萬唔好出意外!」他施展加倍耐性,又氹又教,帶領兩個小朋友跨越水上樂園8大關,讓兩個小朋友最後為自己付出的努力毅力、克服困難而感到滿足!