奇妙電視《冇大冇細》 
與小朋友夾Band激發父愛
Dear Jane主音黃天翱最想教女兒玩音樂
奇妙電視親子節目《冇大冇細》,邀請多位已為人父的男藝人與一班小朋友,玩盡阿媽最唔敢玩的活動,發揮阿爸最大功能,喚醒陪玩真意義!剛榮升父親的Dear Jane主音黃天翱 (Tim) 於節目中獻出人生第一次 ─ 和小朋友夾Band,大唱Dear Jane經典歌曲。他更揚言希望將來教女兒玩音樂,增進感情。

Tim與小朋友夾Band散發父愛
Tim夾Band多年,原來從未試過與小朋友Jam歌,更被他們出色的音樂才華嚇倒,「估唔到班小朋友咁有天份,佢哋唔係死背樂譜,賣弄技巧,而係真正隨著主音嘅節奏、感情彈出嚟,玩音樂應該係咁隨心!」他與小朋友合奏了Dear Jane名曲《不許你注定一人》後,又借機大派追女貼士,指女生都特別偏愛Band仔,鼓勵幾位男孩努力學結他。事後幾位小朋友均大讚Tim好人,細心又有耐性,相信他必定是個好爸爸。

陳禛淡定餵企鵝 享受與爸爸共處時光
那邊廂,真‧父女陳國邦及陳禛玩轉主題樂園。穿上企鵝服飾的陳禛十分可愛,她在工作人員指導下製作企鵝食物,又大膽深入園中餵企鵝,和海獅跳舞。陳國邦表示:「其實令小朋友快樂可以好簡單,單純笑下,無聊一下已經好滿足,唔一定時時刻刻要學習。」