奇妙電視《杜汶澤食住上》
杜汶澤首集顯大廚功架
鄧麗欣否認葉念琛追求 爆阿澤曾一腳踏多船
奇妙電視王牌節目《杜汶澤食住上》,由杜汶澤率領盧頌恩(妹頭)及鄺芷凡(Omi)主持,是史上最口沒遮欄的飲食綜藝訪談節目。阿澤會繼續發揮「把口唔收」的性格,邊食邊爆娛樂圈秘聞。首集,杜汶澤教觀眾煮慢煮牛肋骨,盡顯大廚功架。阿澤又請來鄧麗欣(Stephy)任嘉賓,二人互爆不為人知的情史!

Stephy:「葉念琛邊敢媾我?」
阿澤在節目中坦承朋友不多,如果要訪問交惡的人則可以做過百集節目。不過,他為好友嘉賓則在所不辭。今集,他親自接送Stephy到自己家中,並親自烹調燒雞予對方品嚐。提到Stephy與導演葉念琛多次合作,阿澤一口咬定葉念琛曾想追求她,對此Stephy澄清:「佢邊敢媾我?講笑啫!呢啲係世人偏見,可能佢覺得我好好拍,真係無追過我,我哋喺拍攝現場甚至好少傾偈。」

Stephy未同過居 爆阿澤曾一腳踏多船
Stephy自言平時都會簡單下廚,不過因為一直與媽媽同住,常常偷懶不自己煮。阿澤聽罷藉機問及她與男朋友同居的話題,誰知Stephy認真表示:「我未試過同男朋友同居,未結婚都未叫認定嗰個人,唔會同佢住。」阿澤即大感詫異:「你呢個諗法好怪!我以前拍親拖都一定會同居,有啲同咗居先拍拖,所以我結過兩次婚,你就仲未嫁。」Stephy隨即問阿澤以前一腳踏幾船的感受,阿澤笑言:「忙囉!」