奇妙電視《喜出望外》
郭羡妮喜獲邀做手作 獻上第一次親自造婚紗
郭羡妮(Sonija)應陳倩揚邀請為她主持的奇妙電視「喜出望外」節目製造婚紗,Sonija承認有點喜出望外說:「因為我媽咪好鍾意車衫,我細細個耳濡目染都鍾意左,仲試過親手造過1件衫畀自己,今次整婚紗就係第一次!」

兩位靚媽對手作仔原來好有心得,倩揚最經典是花6小時造皮銀包,她笑道:「我係整來送畀老公的,點知佢話我整左6個鐘,唔捨得用,一直收埋在櫃桶!」Sonija則說:「我老公最鍾意食,尤其鍾意龍蝦湯,我只要整野畀佢食就得架啦!」

Sonija現有1女,倩揚則有2子,談起仔女經,倩揚原來好想追多1名囡囡,而Sonija則希望再添1名兒子,二人笑謂要互相黐實對方,希望彼此得償所願!