奇妙電視《吾男吾女》
Coffee再自爆屋企婆媳不和 劉威煌坦言同外母麻麻地
林芊妤(Coffee)為奇妙電視主持「吾男吾女」節目以來,每集都語出驚人,最近她又爆大鑊自揭家中婆媳不和僵局,並直斥兄長不是,真係有理直說阿哥都無面畀!

Coffee表示:「我屋企有7個人住,婆媳不和主要是無溝通!阿嫂成日唔出聲,忍忍埋埋唔同阿媽講,阿哥本來應該係和事佬角色,但佢就選擇逃避,阿爸更加唔方便出聲,最後唯有我來解決!」Coffee之所以維護阿嫂,是因對方在香港並無親人,Coffee義氣地說:「我係佢唯一的朋友,當然要幫佢發聲!」

婆媳相處向來是個學問,外母和女婿的關係亦是難題。節目嘉賓劉威煌坦白自身經歷說:「我同外母住,關係本來係開心既,後來就麻麻地囉!」他舉例說:「我地呢行生活顛倒,忙起上來可以好忙,唔忙既時候想瞓晏D,外母就會畀說話我聽,老婆又會加把口話我懶,真係唔知點算!」

身為長老的樓南光聞言好言相勸說:「婆媳又好、外母女婿又好,畀多少少幽默感啦!」吳日言聞言即反唇相稽:「幽個屁咩!睇下件事發生係你身度又會點!」眾主持各執一詞,最後大家都認同還是應該退一步家和萬事興。