奇妙電視《同sing同戲》
李敏請教愛情問題 阿Sa話好多人混淆愛同喜歡
蔡卓妍和李敏日前接受奇妙電視「同sing同戲」節目主持詹可琳訪問,談到最近二人合作拍愛情電影,雖然李敏較阿Sa年長,但在愛情問題上,李敏竟要向後輩阿Sa請教!

李敏笑道:「我覺得愛一個人係一種習慣,一旦分開需要好長時間去適應,所以我接受唔到有D人呢頭分手,果頭已經同緊第二個一齊,我請教阿Sa,阿Sa教我唔好太在乎!」

阿Sa回應說:「因為有好多野唔到我地控制嘛,況且好多人混淆左愛同喜歡,可能平時like(喜歡)慣臉書,愛其實係另一層次。愛好難講出口,要在好重要既時候講先可以令呢句說話充滿分量,成日講住喜歡的根本唔係果回事!」

對於感情事,阿Sa似乎頗有心得,她頭頭是道續謂:「我同李敏構思緊拍一系列女性維他命電影,因為女性在唔同階段需要唔同維他命補給,譬如音樂、電影、書籍令自己保持青春、心情同皮膚狀態等,希望開拍成功!」