奇妙電視《天下第一Friend》
周汶錡圓童年夢想學跳舞 坦言結婚因為驚七年之癢
周汶錡(Kathy)以「天下第一模」身份接受好友鄭紹康(Francis)為奇妙電視主持的「天下第一Friend」節目訪問,Kathy的兒時夢想是成為舞蹈員,故由小學二年級開始,便學習中國舞、芭蕾舞,還去過不同地方表演,Kathy笑道:「直到有日,有人話我太高啦,做唔到舞蹈員,嗰刻我就夢碎了!」

Francis為讓Kathy「重操故夢」,特別安排Sunny教舞,拍攝當日,Kathy剛坐完月,跳舞動作不宜過大,經過一輪的甩拍子和手腳不協調後,二人跳得似模似樣,Kathy開心笑道:「搞到我濕晒,粉都甩埋!」Francis單刀直入問Kathy當年是否被杜德偉(Alex)的舞技吸引才拍拖?Kathy否認道:「佢跳舞係吸引,但拍拖唔關呢D事啦,唔通佢鍾意我,又因為我著高踭鞋咩?」

Kathy和法籍老公Julien Lepeu(雷栢綸)拍拖七年結婚,Kathy自爆道:「七年之癢呀嘛,我都驚唔結就分架,所以咪結囉!點解要改個中文姓雷?哈哈!因為夠雷呀嘛,好有氣勢,好襯我!」Kathy老公是公認的靚仔,Francis問Kathy有無擔心過?她笑著反問說:「你唔問下佢擔唔擔心我太靚女?」

Kathy不諱言以前好緊張和另一半的關係,經常要求對方報告行縱,直到有位前度指她緊張指數有如媽媽,她才恍然大悟,Kathy說:「佢「叮一聲」點醒左我,以前我就係因為太緊張,太小氣,成日有拗撬,依家我改左自己性格,凡事easy going!」