奇妙電視《同sing同戲》
與林海峰合作舞台劇 黃秋生高度評價:佢幾乎係掏空自己
黃秋生和林海峰自電影「誤人子弟」後再度合作舞台劇,二人日前接受奇妙電視「同sing同戲」節目主持詹可琳訪問,秋生對林海峰高度評價說:「通常有名既人都有佢既立足根基,有根基就會固執,但林海峰唔止唔固執,佢幾乎係掏空左自己來演呢個舞台劇!」

林海峰聞言推說:「我地位低呀嘛,你講緊嗰啲係好高既人!」秋生故作生氣說:「你串我呀?你係Icon來架,低咩呀?」秋生續謂本來好想搞棟篤笑,但睇完林海峰的棟篤笑即刻打消念頭。秋生說:「成個表演都可以咁集中,真係想像唔到可以點做!」林海峰打趣說:「得罪多啲人咪得囉,觀眾就係鍾意睇呢啲!」

近年秋生較多教戲作育英材,他無奈說:「我無咁偉大,都係逼不得已啫,我個劇團都要運作架!」說到劇團,秋生又滿腹牢騷說:「好多劇團都係靠政府資助,如果無政府資助,中小型嗰啲,打晒柴啦,連個竇都無呀!不過我地既排演場地真係無乜,搞到我地要周圍走,遲下可能要去維園攤開張席來排!」