奇妙電視《同sing同戲》
衛詩計劃年尾推出EP 渴望開演唱會與歌迷見面
衛詩日前亮相奇妙電視節目「同Sing同戲」,接受主持尤蔭蔭 (Xaviera) 的訪問時,表示自己已經有九年沒有推出唱片,並計劃今年年尾推出EP,她興奮的說:「緊張啊,但係好開心,可以重新回復我嘅音樂旅程,又可以繼續做音樂,我唔覺得係太遲。」而對於部分不喜歡自己音樂的聲音,Jill表現豁達:「無得唔開心,因為滿足唔到所有人,所以就做好自己,有一班人鍾意你嘅音樂已經好滿足。」,她更喜見有歌迷因為聽到她的音樂而得到鼓勵。

講到新歌《刺青》的MV,Jill從同事口中得知外界對MV的評價,其中一場她與男主角在車廂內爭吵的戲碼,被網民指很好笑,阿Jill則大唱反調:「好似話拗交嗰幕好搞笑,但係我覺得個樣幾惡,其實我哋拍了幾個版本,但最後導演揀咗呢個版本。」。她更難忘和MV男主角拖手的畫面:「因為佢成隻手都流晒汗,真係要鼓勵佢,叫佢放膽啲,但係好好笑,佢好怕醜。」另外有網民拿Jill的演技和家姐Janice比較,Jill大方表示不介意:「由細到大都有人比較我同家姐,真係慣咗呢樣嘢,所以我唔會俾嗰啲意見影響到我。」,不過她透露有意上演技班,認為可以增加自己的信心。

至於提到新歌MV是希望鼓勵大家想做就做,不要為人生帶來後悔,Jill回憶自己的過去,慶幸沒有做過令自己很後悔的事,只是有時自己想做的音樂未能得到大家的認同,令她有點氣餒。然而在愛情路上,就從未留有遺憾,更感謝男朋友讓她獲益良多:「每一段關係都學到啲嘢,喺佢哋(男朋友)身上學到嘢,無後悔過。」重新回到樂壇的Jill,坦言渴望舉行演唱會與歌迷見面,更表示若果成事會邀請家姐Janice同台演出,亦都希望可以邀請到偶像鄭秀文一齊合作。