奇妙電視《天下第一Friend》
謝賢親自解開不老之謎 笑道:日日都要吊幾次架!
人人都話:希望老左可以好似謝賢咁!是的,四哥已是chok爆指標,最近他接受鄭紹康為奇妙電視主持的「天下第一Friend」節目訪問,親自解開不老之謎!原來四哥家有倒吊機,他以招牌笑聲朗朗笑道:「我日日都要吊幾次架!」

據知倒掛身體可加促血液循環,四哥年屆八十,仍有一頭濃密頭髮,是否跟倒吊有關?他承認說:「早年我本來有一撮白髮,後來吊吊下就無左,都幾神奇!不過我媽媽102歲過身時,都有好多頭髮,而且仲係灰色既,我希望第日都可以好似佢咁!」

四哥每日玩倒吊,還邊吊邊拍打臉部減少皺紋,至於飲食和生活作息,他坦白說:「我乜都食,從來唔戒口,以前仲會打通宵牌,依家得閒就去行下山。醫生幫我定期檢查,各種指數都正常,我應該仲可以撈多2,3年既,哈哈!」

對於被指chok,四哥自言從來沒有刻意去經營,他說:「我只係因為做呢行唔可以失禮人,所以打扮下啫,chok係人地覺得!」鄭紹康笑問他覺得自己和謝霆鋒誰更chok?四哥笑道:「我係老人chok,佢係年青chok!」

四哥原名謝家鈺,入行後花名一大堆,包括「阿腎」。四哥解釋道:「以前我好百厭架,開工成日玩,前輩咪話我腎腎地囉,耐左索性叫我阿腎!」當年四哥由家姐看到招騁廣告推薦他入行,頭一部戲片酬有150大元,足夠普通人家1個月的消費,未幾四哥已經紅透半邊天。

四哥不諱言事業上也遇過低潮期,他說:「光藝結業後,李瀚祥簽左我去台灣,頭一年無戲拍,第二年同甄珍拍左部戲,之後我就回流返香港開公司。當年四哥和甄珍拍拖四年結婚,但婚姻只維持一年便告終。

四哥不滿地說:「成日話我係溝女王,其實我好專一架!成世人都只拍過5次拖,仲要次次都係畀人撇,陰功!不過我傷心都係兩日,第三日已經唔記得晒,可以繼續出去玩,唔係我點可以仲生存到依家呀?哈哈!」