奇妙電視《辣媽大作戰》
黎淑賢為比堅尼泳照狂節食 最瘋狂一日只食三粒果仁
黎淑賢(Bonnie)早前因傳婚變而同好姊妹羅霖反面,最近Bonnie接受嚴崇天為奇妙娛樂新聞主持的「辣媽大作戰」節目訪問,談及羅霖時,Bonnie盛讚對方保養得宜,是名符其實的美魔女說:「佢年紀大我成個圈,但仲keep得好靚!」

問她和羅霖還是好姊妹嗎?她直認道:「呢個世界係圓既,我地只係無以前聯絡得咁密切,各有各忙呀嘛!」最近Bonnie以40歲之齡拍攝比堅尼泳照驚艷全城,她笑道:「挑戰自己係我既人生格言,每日我都會諗下仲有咩可以挑戰,拍呢輯泳照就絕對係挑戰啦!」

Bonnie自從選美後便再無穿過泳裝,她坦言希望在40歲時再穿多一次,問准老公時被游說「肥水不流別人田」,索性由她擔任公司代言人。Bonnie笑道:「因為咁,我壓力仲大,唔單止每日狂做運動,仲要狂節食,最瘋狂時1日只食3粒果仁,真係人都癲!」

為保索爆靚樣和身材,Bonnie真係豁出去,問她是否是為取悅老公及杜絕他身邊的女生?Bonnie否認道:「佢有咩靚人未見過?日日對住我了喎!平日返工、返屋企,都係對住靚女,我驚佢反而對男人會有興趣多啲!」

Bonnie應嚴崇天邀請打泰拳,舉手投足甚有睇頭,還以為她師承前夫盧惠光,不料Bonnie卻說:「無喎!我只係覺得泰拳好型,咪學囉,都學左10幾年架啦!」嚴崇天讚她睇得又打得,Bonnie得戚地笑道:「你估辣媽唔易做真係口號呀,要付出架!」